Banoret e lagjes periferike ne Sarande: Jemi te kenaqur edhe me 30 minuta uje ne dite, por nuk kemi fare

Disa familje në Lëkurës të Sarandës ankohen për ujin e pijshëm sipas tyre me fillimin e sezinit turistik uji në rubinetat e tyre është pakësuar. Kjo situatë ndodh prej më shumë se një jave shprehen banorët. Bëhet fjalë për rreth 10 familje në këtë zonë turistike të Sarandës të cilat janë mbi rrugën kryesore që lidh qytetin me kalanë e Lëkurësit.
Banorët shprehen se tashmë filloi sezoni turistik dhe uji është pakësuar. Ata kërkojnë menaxhim nga ana e ujësjellësit të Sarandës
Një ekip nga ndërmarrja e ujësjellës kanalizime sh.a me në krye edhe një inxhinier erdhën për të parë nga afër situatën. Sipas inxhinierit të Ujësjellësit janë dy tuba kryesor që furnizojnë këtë pjesë të qytetit. Pas konsultimeve me banorët u gjet një zgjidhje provizore duke e furnizuar këtë pjesë të qytetit me 2 orare të ndryshme për familjet nën rrugë dhe familjet mbi rrugën kryesore. Sipas përfaqësuesve të ujësjellësit këto familje do të furnizohen me ujë të pijshëm deri ne 45 minuta në dite.