Automjetet që alarmuan Sarandën janë marrë me qera

Një mesazh i mbërritur në Saranda Web nga një person, i cili pretendon se është një oficer policie në Komisariatin e Policisë Sarandë, informon se automjetet të cilat hyrën me sirena ulëritëse dhe bërën xhiron nëpër rrugët e Sarandës gjatë mbrëmjes së djeshme, janë marrë me qera dhe se nuk janë automjete të policisë.
“Shikoni me kujdes tek video që keni publikuar, targat nuk janë të Ministrisë së Brendshme dhe nuk shkruajnë policia“, thotë oficeri i policisë.
“Këto automjete janë pjesë e korrupsionit që po gërryen cdo ditë vendin“, thuhet në mesazhin e oficerit të policisë.