Ambasada Amerikane në Tiranë i ka kushtuar një vëmendje të veçantë takimeve që ka zhvilluar ambasadrja amerikane Yuri Kim në Sarandë, duke theksuar se ambasadorja u bashkua me #NismaeLuleve në pastrimin e plazhit dhe se ambasadorja u shpreh e lumtur që shqiptarë të profesioneve e prejardhjeve të ndryshme punojnë bashkë duke ndërmarrë veprime konkrete të aktivizmit qytetar.
Publikimi i Ambasadës Amerikane
Dje Ambasadorja Kim mbylli vizitën e saj në Sarandë, ku u takua me aktivistë dhe qytetarë. Ndër të tjera, ambasadorja vizitoi Shtëpinë e Fëmijës “Vangjel Pulla”, Manastirin e Dyzetë Shenjtorëve dhe u bashkua me #NismaeLuleve në pastrimin e plazhit. U shpreh e lumtur që shqiptarë të profesioneve e prejardhjeve të ndryshme punojnë bashkë duke ndërmarrë veprime konkrete të aktivizmit qytetar, duke dhënë një mësim të rëndësishëm demokracie dhe dinjiteti, gjithashtu me vlerë për biznesin e turizmin, duke qënë se një ambient më i pastër e bën qytetin më tërheqës.
