Adriatik Lapaj: Të gjitha plazhet do të jenë publike
Adriatik Lapaj, drejtuesi i lëvizjes “Shqipëria Bëhet”, ka bërë një deklaratë të fortë lidhur me çështjen e plazheve publike në Shqipëri. Gjatë një komunikimi live me ndjekësit e tij, ai është shprehur se plazhet do të mbeten të hapura për të gjithë qytetarët dhe nuk do të ketë privatizime apo zaptime të paligjshme.
“Plazhet janë pasuri publike dhe do të mbeten të tilla. Askush nuk mund të pengojë qytetarët të shijojnë detin e tyre,” – theksoi Lapaj, duke siguruar se do të vijojë të mbrojë të drejtat e qytetarëve për qasje të lirë në bregdet.
Deklarata e tij ka ngjallur reagime të shumta, duke marrë mbështetje nga qytetarët që janë të shqetësuar për kufizimet e aksesit në plazhe. “Shqipëria Bëhet”, nën drejtimin e Lapajt, është një ndër lëvizjet që po ngre zërin për mbrojtjen e të drejtave publike dhe kërkon ndërhyrjen e institucioneve për të ndaluar abuzimet me hapësirat bregdetare.
Website Saranda Web
Facebook Saranda Web
Instagram saranda.web
Youtube sarandaweb
Tiktok saranda.web
Pinterest sarandaweb
in sarandaweb
