Kanë kaluar 48 orë nga zhdukja e mistershme e 30-vjeçarit Aleks Laçi nga Dibra dhe akoma nuk ka asnjë rezultat nga kërkimet. Ditën e diel në një plazh në Kodër një i moshuar gjeti rrobat dhe pasaportën e tij në breg të detit. Nga ky moment policia kufitare e Sarandës filloi kërkimet, por që deri tani nuk kanë dhënë asnjë rezultat. Familjarët e 30-vjeçarit Aleks Laçi bëjnë thirrje ndaj autoriteteve për të mos ndalur kërkimet por ato të intesifikohen. Gjithashtu familjarët drejtojnë apel ndaj kujdo që mund të ketë qoftë edhe informacionin më të vogël të kontaktojë me ta ose me policinë. Familjarët nuk përjashtojnë mundësinë që djali të ketë dashur të zhduket dhe ka krijuar një alibi të tillë apo pas kësaj ngjarjeje te fshihet edhe ndonjë akt kriminal, por i druhen edhe mundësisë se 30-vjeçari mund t`i ketë dhënë fund jetës. 
