Vjedh motorin në Konispol, por aksidentohet për vdekje gjatë ikjes

Dalin të dhënat e para për ngjarjen e rëndë që u shënua mbrëmjen e sotme.
Sipas informacioneve të siguruara nga Saranda Web, një i ri i cili nuk ishte banor nga zona e Konispolit, ka vjedhur një motor në Konispol dhe është larguar me shpejtësi.
Por i riu, që sipas dyshimeve ishte edhe nën efektin e pijeve alkoolike, vetëm pasi ishte larguar disa metra, është aksidentuar me pasojë vdekjen.
Banorët e lagjes menjëherë kanë njoftuar policinë, e cila ka shkuar në vendgjarje dhe po punon për identifikimin dhe zbardhjen e ngjarjes.