Kandidati për deputet i Partisë Socialiste për Sarandën, Alket Hyseni zhvilloi një takim me Forumin e Gruas Socialiste të Sarandës. “Ndihem i respektuar dhe i vlerësuar përpara më shumë se 300 zonjave të vlerësuara dhe të nderuara. Ju jeni motori që zhvillon shoqërinë shqiptare. Siç zhvilloni familjen tuaj, ashtu ne duam të zhvilloni edhe Sarandën tonë”,- u shpreh Alket Hyseni gjatë takimit. Sipas tij, në të ardhmen Saranda do të përfaqësohet edhe nga më shumë gra në politikë.
Alket Hyseni i bëri thirrje grave që më datë 25 qershor të dalin nga shtëpia, të marrin me vete edhe bashkëshortët dhe të votojnë forcën më progresiste në Shqipëri, Partinë Socialiste. “Votoni për fëmijët tuaj, votoni për familjet tuaja, votoni për një Shqipëri më të sigurt, votoni për Partinë Socialiste”,- ishte thirrja që bëri Alket Hyseni përpara grave socialiste.
