Urdhër i ri i Bashkisë Sarandë: Automjetet që furnizojnë dyqane do të lejohen me orar

Bashkia Sarandë ka publikuar një urdhër të ri për ndalimin e automjeteve që furnizojnë dyqane të qarkullojnë në cdo orar.

Sipas Bashkisë Sarandë, ky urdhër vjen për mospengimin e rrjedhshmërisë së trafikut dhe rritjen e sigurisë së qarkullimit në territorin e Bashkisë Sarandë

Oraret e furnizimit të magazinave dhe dyqaneve me automjete do të jenë:

Për automjetet me peshë të përgjithshme deri në 3.5 ton, qarkullimi do të lejohet nga ora 12:00-16:00 dhe nga ora 24:00-07:00.

Për automjetet me peshë të përgjithshme mbi 3.5 ton, qarkullimi do të lejohet në orarin 24:00-07:00.