Ujërat e zeza përsëri në Bulevard, përmbyten rrugët e reja dhe biznese – VIDEO

09/09/2421:37

Shperndaje:

Ashtu siç ndodh çdo herë që bie shi, edhe sonte Bulevardi i Sarandës u përmbyt përsëri nga ujërat e zeza, duke nxjerrë në pah një problem të përhershëm dhe të papranueshëm për një qytet turistik si Saranda. Kanalizimet e tejmbushura dhe të papërshtatshme nuk arrijnë të përballojnë reshjet, duke e kthyer këtë zonë në një vatër përmbytjesh të vazhdueshme. E turpshme është fakti që, edhe pse ky fenomen përsëritet prej vitesh, autoritetet lokale nuk kanë ndërmarrë asnjë masë të qëndrueshme për ta zgjidhur këtë krizë infrastrukturore.

 

 

Këtë herë, përmbytjet kanë prekur edhe rrugët e sapo përfunduara së rivitalizuari, duke ngritur pikëpyetje serioze për cilësinë e punimeve të kryera me fonde publike. Në vend që të përmirësohej situata, qytetarët dhe bizneset ndodhen në një situatë më të keqe se më parë. Ujërat e zeza kanë depërtuar brenda lokaleve dhe dyqaneve, duke shkaktuar dëme të mëdha materiale dhe humbje ekonomike për pronarët e bizneseve.

 

Indiferenca e institucioneve ndaj këtij problemi të përsëritur është një shuplakë për qytetarët e Sarandës, të cilët ndihen të lënë në harresë dhe të pashpresë për një zgjidhje afatgjatë.


Ndajeni me miqte:

Postimet e fundit

Vodhën skaf dhe gomone në Korfuz, 1 i arrestuar dhe 3 në kërkim – VIDEO
Lamtumirë Andrea Prifti – shembull humanizmi në spitalin e Sarandës
Fast Food STATION kërkon Punonjës Fast Food-i  dhe Punonjëse Pastrimi
Kërkohet Shitëse për Kjoskë Suveniresh artistike në Shëtitoren e Sarandës
Hotel Utopia në Ksamil kërkon Punonjëse pastrimi (Sanitare)
Sherr për Plazhet në Ksamil – 25-vjeçari nuk lejon pushuesit të hyjnë në “plazhin privat”

Saranda Web Apartments and Hotels

©SARANDAWEB - 2024 • Ndalohet riprodhimi i paautorizuar i përmbajtjes së kësaj faqeje.