Tempulli antik, Metoq
Tempulli antik në Metoq ndodhet në krahun e djathtë të rrugës Sarandë-Delvinë në një nga kodrat e fshatit Metoq. Mbi sipërfaqen e kodrës duken gjurmët e Tempullit të ndërtuar me blloqe gurësh të mëdhenj të punuar mirë nga të katër faqet e jashtme dhe të gufmuar nga faqja ballore. Blloqet e gurëve janë të vendosura në të thatë dhe të puthitura mirë me njëra tjetrën. Trashësia e murit është e barabartë me trashësinë e bllokut 0.90 m, kurse lartësia e ruajtjes së tij arrin deri në 1.30 m.
Tempulli ka një planimetri katërkëndëshe me përmasa 10×10 m. Gjurmë muresh duken edhe rreth Tempullit, të cilat me sa duket kanë lidhje me të. Në sipërfaqen e kodrës ka fragmente enësh të ndryshme si vegje dhe funde amforash helenistike dhe romake.
About Post Author
Loading...
