Standarte të shumëfishta në trotuarët e qytetit të Sarandës – FOTO

16/08/2412:52

Shperndaje:

Në një qytet si Saranda, ku hapësirat publike janë të kufizuara dhe rëndësia e tyre është e madhe për komunitetin, standardet e ndershme dhe të barabarta janë thelbësore për një zhvillim urban të qëndrueshëm. Megjithatë, me hapjen e rrugës së re pas shtrimit me gurë përpara një banke të njohur në qytet, vëmendja është kthyer drejt një anomalie të rëndësishme.

Ndryshe nga trotuarët e tjerë në qytet, ku janë vendosur vazo apo pengesa të tjera për të parandaluar parkimin e makinave, në këtë pjesë të re të rrugës nuk është ndërmarrë asnjë masë e tillë. Si rezultat, trotuari është kthyer në një vend parkimi të automjeteve, duke detyruar këmbësorët të kalojnë në gomat e tyre.

Ky veprim dhe mosveprim tregon qartë se në Sarandë veprohet me standarde të shumëfishta. Ndërkohë që disa zona janë të mbrojtura dhe mirëmbajtura, të tjera lihet pas dore, duke krijuar jo vetëm një mjedis të pasigurt për këmbësorët, por edhe një ndjenjë padrejtësie dhe neglizhence.

Është e domosdoshme që autoritetet lokale të rishikojnë këtë situatë dhe të ndërmarrin masa të menjëhershme për të siguruar që çdo pjesë e qytetit të trajtohet me të njëjtin standard dhe përkushtim, për të garantuar një ambient të sigurt dhe të drejtë për të gjithë qytetarët.