Soreca jep lajmin e mirë: Nga 1 korriku hiqet tarifa Roaming në vendet e Ballkanit Perëndimor

Duke nisur nga data 1 korrik, do të hiqet tarifa Roming, në Ballkanin Perëndimor. Ishte ambasadori i Bashkimit Europian në vendin tonë, Luigi Soreca që dha lajmin e mirë, i cili vjen pak ditë pas Samitit të liderëve të Ballkanit Perëndimor që u mbajt në Tiranë. Soreca thekson se ky është një investim i BE, si formë lehtësimi për komunikimet ndërmjet qytetarëve.

“Nga 1 korriku hiqen tarifat Roaming në Ballkanin Perëndimor, përfshirë edhe Shqipërisë. Duhet të keni diçka në mendje: Të keni celularin me bateri plot”, shkruan Soreca.

Tarifa roaming është një detyrim financiar që paguan çdo qytetar që komunikon në një vend të tjetër nga ku është klient i kompanisë telefonike. Praktikisht tarifat roaming janë shumë të larta në krahasim me kostot e telefonisë të cdo vendi të rajonit të Ballkanit.