Një nga puset e naftës dhe gazit në periferi të qytetit të Delvinës ka shpërthyer, duke bërë që gazi të shkarkohet në ajër.
Era e gazit është ndier në qytet, duke sjellë kështu shqetësim tek banorët.
Fatmirësisht situata është vënë shpejt nën kontroll nga punonjësit e kompanisë, të cilët kanë bllokuar edhe rrjedhjen e gazit.
Nga ana e drejtorit operacional të DGC- COMPANY sqarohet se: “Rreth orës 22:00 pusi del.4 u bllokua, me shpejtësi u bë ndërhyrja sipas rregullave. Gazi po shkarkohej në ajër me djegije , në këtë moment nga trungu i pusit doli nji tap kondesati i cili fiku flakën, shkarkimi vazhdoj me përzierje fluidi gaz- kondesat gjë që nuk lejoj djegjen. Era ndihmoj që gazi të lëvizte në perëndim. Pusi u mbyll menjëher dhe nuk përbën rrezik për popullatën”.
