Sekuestrohet drogë në pikën Kufitare të Qafë – Botës

Policia ka sekuestruar 20.29 kg lëndë narkotike të llojit “Cannabis sattiva” në Pikën Kufitare “Qafë-Bot”, Sarandë. Arrestohet në flagrancë poseduesi i lëndës narkotike, shtetasi i quajtur: Dhimitër Çami, 48 vjeç, banues në fshatin Xarrë-Sarandë. Arrestimi i këtij shtetasi u krye në flagrancë në Pikën Kufitare “Qafë-Bote” Sarandë, pasi Shërbimet e Policisë gjatë një kontrolli të ushtruar në automjetin tip “Toyota” me targë: AA553HV, në pronësi të këtij shtetasi, kanë gjetur dhe sekuestruar një sasi lënde narkotike prej 20 kg e 29 gr, të llojit “Cannabis”. Lënda narkotike ishte e ndarë në 36 pako, të mbështjella me natriban të tejdukshëm dhe ngjyrë kafe, të cilat ishin të fshehura në pjesën e dyshemesë së këtij automjeti. Policia ka bërë gjithashtu bllokimin dhe sekuestrimin e mjetit, si dhe arrestimin në flagrancë të shtetasit: Dhimitër Çami, për veprën penale “Trafikimi i narkotikëve”.