Sarandë, urdhër mbrojtjeje për Julian Sinomatin, u kërcënua me jetë nga kryetari i PD

Sarandë, urdhër mbrojtjeje për Julian Sinomatin, u kërcënua me jetë nga kryetari i PD. Pas kërcënimeve që pretendon se ka marrë nga kryetari i PD Sarandë Hariz Mema,  do të kerkohet edhe urdhër mbrojtjeje në gjykate pasi ndihet i pasigurt dhe ka parë njerez të dyshimtë që e ndjekin gjatë levizjeve së tij.
Gjithcka ka ndodhur pas publikimit te një fotoje nga avokati Spiro Vaso, foto e cila nxorri në dritë pjesëmarrjen e vogël të demokratëve në mbledhjen e prezantimit të programit, e cila kishte më shumë prezantues se sa dëgjues.
Kjo foto nxiti debat të fortë mes anëtarëve dhe kreut demokrat në Sarandë, Hariz Mema.
Ky i fundit ka postuar disa komente fyese tek postimi i Vasos, të cilat më pas i ka fshirë. Ai ështëkritikuar ashpër nga anëtarë të PD-së në Sarandë dhe njëri prej tyre ishte Julian Sinomati. Citynews publikoi dje debatin që degjeneroi në fyerje nga kreu demokrat.
Pas komentit të Sinomatit, Mema nuk i ka mbajtur më nervat. Ai ka telefonuar menjëherë Sinomatin dhe e ka kërcënuar me jetë.
“Ta tregoj unë ty mirë kush jam unë. Do të vras që del kundër meje si lider i PD”, kanë qenë fjalët e Memës ndaj Sinomatit, sipas kallëzimit të bërë nga ky i fundit.
Aktivisti i PD-së në Sarandë, Julian Sinomati, e ka marrë në telefon për të vërtetuar që nuk ka qenë një shaka dhe përsëri Mema is është përgjijgur: “Po me ty e kam dhe nuk më plas k… kush je dhe cfarë bën. Do të zhduk nga faqja e dheut”
Për këtë kërcënim Sinomati ka kryer një kallëzim penal në prokurori.
Gjithashtu, aktivisti i PD i ka dërguar një letër kreut demokrat, Lulzim Basha, ku i ka dorëzuar dorëheqjen me arsyen se nuk mund të bjerë në atë nivel sa të krijojë përplasje të dhunshme fizike midis individëve. Sipas tij, kjo është e vetmja rrugë për të sqaruar pozicionin me kryetarin e Sarandës Hariz Mema.
Më poshtë, kallëzimi ndaj Hariz Memës dhe dorëheqja e Julian Sinomatit.

.