Klientët bënin muhabet dhe qeshnin në orën 00:30, procedohet penalisht administratori i lokalit – VIDEO

Policia: Prishën qetësinë publike me zhurma në një lokal nate në Ksamil, procedohet penalisht administratori.

Policia njofton se strukturat e Komisariatit të Policisë Sarandë, në vijim të kontrolleve në kuadër të masave të marra nga Policia me qëllim sigurimin e qetësisë publike dhe garantimin e një mjedisi të qetë dhe të sigurt për banorët dhe turistët që frekuentojnë zonat bregdetare, kanë konstatuar një rast të prishjes së qetësisë publike, konkretisht:

Më datë 01.07.2025, rreth orës 00:30, në lagjen nr. 2 të Ksamilit, në rrugën “Alida Hisku”, në një lokal, u konstatua se nga grumbullimi i personave në këtë ambient, shkaktoheshin zhurma të cilat cenonin dukshëm qetësinë publike.

Në vijim të veprimeve procedurale, u procedua penalisht për veprën penale “Prishja e qetësisë publike”, administratori i lokalit, shtetasi A. M., 32 vjeç, banues në Tiranë.

Strukturat e Policisë do të vijojnë kontrollet në të gjitha zonat turistike, për të garantuar rendin, qetësinë dhe sigurinë për banorët dhe pushuesit, thuhet në komunikatën e Policisë. 

Website Saranda Web

Facebook Saranda Web

Instagram saranda.web

Youtube sarandaweb

Tiktok saranda.web

Pinterest sarandaweb

in sarandaweb