Mbledhja e fundit e Këshillit Bashkiak Sarandë ka lënë qytetarët pa përgjigje mbi çështjen kyçe procesit të lidhjes së kontratave për trojet e dhëna për ndërtim. Dy pikat e rendit të ditës, të cilat preknin drejtpërdrejt interesin e qytetarëve, u shtynë, pasi nga ana e Bashkisë nuk u paraqit asnjë informacion, dhe asnjë nga përgjegjësit e këtyre proceseve nuk ishte i pranishëm për të raportuar.
Një nga temat që shqetëson qytetarët është procesi i lidhjes së kontratave për trojet e dhëna për ndërtim me vendim të Këshillit Bashkiak. Prej kohësh, banorë që kanë paguar për trojet nuk i posedojnë ende ato ligjërisht, duke mbetur në pasiguri për fatin e pronës së tyre. Mosdhënia e informacionit zyrtar nga ana e Bashkisë ka krijuar një situatë të paqartë dhe ka rritur pakënaqësitë e qytetarëve.
Këshilli Bashkiak vendosi krijimin e një komisioni të posaçëm me përfaqësues të këshillit dhe banorë që kanë paguar trojet, por që ende nuk i posedojnë ato.
Restaurimi i Kinoteatrit dhe Eco Campusi mbeten pa informacion
Ndër projektet që vijojnë të mbeten pezull janë edhe restaurimi i Kinoteatrit të qytetit dhe projekti i Eco Campusit. Edhe për këto dy çështje, nuk u dha asnjë informacion nga ana e Bashkisë për qytetarët, pasi në Këshillin Bashkiak nuk ishte dorëzuar asnjë raport dhe nuk ishte paraqitur asnjë përgjegjës nga ana e Bashkisë Sarandë.
Qytetarët presin një reagim të menjëhershëm nga institucionet përkatëse dhe transparencë mbi këto procese, të cilat ndikojnë drejtpërdrejt në jetën dhe zhvillimin e qytetit.
Website Saranda Web
Facebook Saranda Web
Instagram saranda.web
Youtube sarandaweb
Tiktok saranda.web
Pinterest sarandaweb
in sarandaweb
