Projekti për gllabërimin e bregdetit, heshtje nga opozita e Sarandës

E ndërsa opinioni publik në Lukove, Nivicë, Sarandë dhe Ksamil zien pas publikimit të hartave me pronat të cilat qeveria ka bllokuar titujt e pronësisë me argumentin se këto zona do të jepen për qëllime strategjike të turizmit, nga ana e opozitës në Sarandë ka vetëm heshtje.
Themi vetëm heshtje duke parë se nuk ka reagim publik, as në media dhe as në faqen e tyre në facebook, pasi nuk dimë se cfarë ndodh në prapaskenë, aty ku nuk përjashtohet mundësia të kenë filluar bisedime për ndarjen e zonave të influencës apo lidhja e kontratave të bizneseve të përbashkëta.