Policia kontrolle në Sarandë për 1.6 ton kanabis

Një ditë pasi u kap një sasi prej 1. 6 ton drogë në Greqi, kontrollet e policisë kanë vijuar edhe në qytetin e Sarandës.
Goditja e grupit kriminal në trafikun e lëndës narkotike, solli arrestimin e gjashtë shtetasve shqiptarë.
Për këtë, policia ka nisur kontrollet në banesat e tyre, disa prej të cilave mësohet se janë në qytetin e Sarandës.
Kontrollet janë kryer nga policia e Sarandës gjatë pasdites së djeshme. Skafistët e gomones së fuqishme që u kap droga ishin pikërisht shqiptarë sipas Rojës Bregdetare greke.
2 shqiptarë u kapën në gomone dhe 4 gjatë kontrolleve të policisë greke në banesa.