Plagoset me çifte: Më goditi një gjuetar natën në mal. Policia dyshuese

Plagoset me çifte: Më goditi një gjuetar natën në mal. Policia dyshuese

Rreth orës 03:45 të mëngjesit të sotëm, në Spitalin e Sarandës është paraqitur i plagosur në pjesën e pasme shtetasi Saimir Haxhi, 44 vjeç, banues në fshatin Markat, Bashkia Konispol.

Pas dhënies së ndihmës së parë në spitalin e Sarandës, ai është transferuar për në spitalin e Vlorës për ndërhyrje kirurgjikale dhe ndodhet jashtë rrezikut për jetën.

Sipas deklarimeve të tij, plagosja ka ndodhur aksidentalisht nga një gjuetar i paidentifikuar, në zonën ndërmjet fshatrave Shalës dhe Vagalat.

Megjithatë, burime zyrtare bëjnë me dije se policia ka dyshime mbi versionin e paraqitur nga 44-vjeçari dhe ka nisur hetimet për të sqaruar plotësisht rrethanat e ngjarjes.

Grupi hetimor po punon për të identifikuar autorin e mundshëm të plagosjes, si dhe për të verifikuar nëse në ngjarje janë të përfshirë edhe persona të tjerë. Zona ku pretendohet se ka ndodhur incidenti po kontrollohet nga shërbimet e policisë.

Website Saranda Web

Facebook Saranda Web

Instagram saranda.web

Youtube sarandaweb

Tiktok saranda.web

Pinterest sarandaweb

in sarandaweb