Peshkonin me dinamit artizanal, plagosen 2 persona

Dy persona janë plagosur në Sarandë me dinamit artizanal në Sarandë.
Ngjarja ka ndodhur në lumin e Bistricës, pranë kanalit të Cukës, ku dy të plagosurit po peshkonin me lëndën plasëse që edhe i plagosi.

Të plagosurit janë, R Ll 45 vjec dhe M G 58 vjec. Peshkatarët janë transportuar menjëherë drejt spitali për shkak të plagëve të marra prej përhapjes së guralecëve të lumit nga shpërthimi i dinamitit.
Ata po marrin trajtimin e nevojshëm mjekësor dhe ndodhen jashtë rrezikut për jetën.

KOMUNIKATA E POLICISË

Sarandë/ Policia ka proceduar penalisht dy shtetasit R.Ll dhe M.G., 45 dhe 58 vjeç, me banim në Sarandë.
Shërbimet e Policisë Sarandë kanë filluar procedimin penal kundrejt tyre, pasi ditën e djeshme këta shtetas kanë qenë duke ushtruar peshkim të ndaluar me lëndë artizanale shpërthyese (helmuese) në Liqenin e Butrintit.
Si pasojë e shpërthimit janë dëmtuar lehtë të dy shtetasit në fjalë.
Materialet i janë referuar Prokurorisë në ngarkim të tyre për veprën penale “Peshkim i ndaluar”.