Panajot Boli rikthehet në shkollën e Mesopotamit, këtë herë për t’u marrë në pyetje nga nxënësit
Panajot Boli, shkrimtar dhe poet i njohur, është rikthyer në shkollën e Mesopotamit për një takim të veçantë me nxënësit. Ky takim u zhvillua në formën e një interviste, ku nxënësit patën mundësinë të bisedonin drejtpërdrejt.
Si ish-mësues dhe drejtor i shkollës në Mesopotam Panajot Boli ndau me nxënësit jo vetëm përvojat e tij si krijues, por edhe momentet e paharruara të jetës së tij në këtë institucion arsimor. Të rinjtë shprehën kuriozitetin e tyre për procesin e krijimit letrar, frymëzimin e tij dhe vështirësitë që has në rrugëtimin e tij artistik.
Gjatë këtij takimi, Boli i dhuroi bibliotekës së shkollës disa nga librat e tij të botuar gjatë viteve, duke theksuar rëndësinë e letërsisë në zhvillimin e mendjes dhe shpirtit të rinisë. Kjo dhurata do t’i mundësojë nxënësve të kenë akses në vepra që frymëzojnë dhe nxisin imagjinatën.
Takimi u shoqërua me diskutime të gjalla, ku nxënësit shprehën mendimet e tyre mbi veprat e Boli dhe ndikimin që ato kanë pasur në jetët e tyre. Një atmosferë e ngrohtë dhe miqësore mbushte klasën, duke krijuar një lidhje të veçantë mes shkrimtarit dhe brezit të ri.
Rikthimi i Panajot Bolit në shkollën e Mesopotamit ishte jo vetëm një nder për institucionin, por edhe një mundësi e shkëlqyer për nxënësit të njoftoheshin me botën e letërsisë dhe të inspirimit që ajo ofron.
Website Saranda Web
Facebook Saranda Web
Instagram saranda.web
Youtube sarandaweb
Tiktok saranda.web
Pinterest sarandaweb
in sarandaweb
