Mbyllet parkingu i paligjshëm në rrugën Skënderbeu në Sarandë – VIDEO

Në rrugën Skënderbeu në Sarandë, është mbyllur parkingu i paligjshëm që ishte vendosur mbi trotuar, duke shkaktuar bllokimin e qarkullimit të automjeteve dhe këmbësorëve. Ky parking ishte bërë një shqetësim i vazhdueshëm për banorët dhe kalimtarët, të cilët kishin hasur vështirësi në lëvizje.

Pas publikimeve të përsëritura në Saranda Web lidhur me këtë çështje, më në fund ka ardhur edhe reagimi i institucioneve përkatëse.

Në video që Saranda Web ka bërë publike, shfaqen momentet kur autoritetet ndërhyjnë për të zgjidhur këtë problem të mbartur prej kohësh.

Pas ndërhyrjes, vazot që ndanin trotuarin janë rivendosur në vendin e tyre, duke rikthyer normalitetin në këtë zonë të ngarkuar të qytetit.