LAJMI i FUNDIT/ Shkarkohet drejtori i Përgjithshëm i Policisë Ardi Veliu

Drejtori i Përgjithshëm i Policisë, Ardi Veliu mësohet se është shkarkuar nga detyra, ndërsa lajmi u bë i ditur nga televizioni Top News

Drejtori i përgjithshëm i policisë ka drejtuar vendin në një kohë kur janë regjistruar ngjarje shumë të rënda, por kryeministri i dha atij një shans të dytë, fiks 100 ditë më parë.

Kreu i qeverisë, i gjendur nën presionin e opozitës dhe qytetarëve, i dha një ultimatum Veliut. Në një takim me përfaqësues të Policisë së Shtetit, Rama la 100 ditë afat për të riorganizuar të gjithë strukturën të organizatës dhe vendosur prioritete të qarta.

Shkarkimi i Veliut, vjen pas një sërë ngjarjesh të rënda kriminale, ku më e rënda ishte vrasja e një efektivi policie në Lezhë.