Kumbaro në Athinë: ja projektet e Shqipërisë për përmirësimin e cilësisë së ujërave – VIDEO
Ministrja e Turizmit dhe Mjedisit Mirela Kumbaro është ftuar në konferencën ndërkombëtare dyditore “Oqeani ynë” e cila po mbahet në Athinë, ku ka prezantuar modelin e Shqipërisë mbështetur tek zhvillimi i qëndrueshëm. Ministrja Kumbaro ishte folëse në panelin kushtuar turizmit të qëndrueshëm dhe ekonomisë blu, së bashku me homologen greke Olga Kefalogianni dhe ministra e sipërmarrës të industrisë së Turizmit.
Kumbaro u shpreh se Shqipëria është një vend që nuk ndot në nivel global dhe ka energji 100% të rinovueshme, teksa po ndërton një model të turizmit të qendrueshëm. Ministrja e Turizmit dhe Mjedisit u ndal te modeli i i lumit Vjosa i mbrojtur si Park Kombëtar, ku tashmë do të nisë edhe projekti për pastrimin dhe trajtimin e ujërave të ndotur që derdhen në të.
“Lumi Vjosa, i cili nis këtu në Greqi, nga malet e Pindit, nuk është vetëm një Park Kombëtar, por një simbol i rëndësishëm, sepse Shqipëria si vend i vogël, që nuk ndot askënd, mund të krijojë modele dhe simbole. Për vendet e vogla koncepti i qëndrueshmërisë, nuk është një luks, por mënyrë jetese. Dhe sfida është: Si të mbrojmë bashkëjetesës mes natyrës, biodiversitetit dhe njerëzve? Dhe në Shqipëri, me 21.5 % të sipërfaqes së zonave të mbrojtura, njerëzit janë pjesë e ekosistemeve, prandaj ekoturizmi dhe turizmi i natyrës nuk janë thjesht mënyrë për të krijuar të ardhura, për të zhvilluar ekonomi por për t’u dhënë njerëzve që jetojnë aty prej shekujsh një mundësi për të jetuar e për të mos e braktisur atë vend. Kjo është Shqipëria me 2.8 milionë banorë që priti më shumë se 10 milionë turistë të huaj në vitin 2023 duke promovuar zonat e Mbrojtura, biodiverstietin, duke e shpërndarë turizmin në gjithë vendin. Ne nuk konkurrojmë askënd, por ndajmë të njëjtën hartë turistike ku qëndrueshmëria do të jetë flamuri ynë i përbashkët”, u shpreh ministrja Kumbaro.
Ajo tha se Shqipëria e ka në fokus mbrojtjen e cilësisë së ujërave, jo vetëm me projektin e trajtimit të ujërave të ndotura që derdhen në Vjosë nga 8 bashki, por edhe me të gjitha masat që të gjitha strukturat buzë detit duhet të zbatojnë për të rritur cilësinë e ujërave larës, te projekti “EU4Rivers” me Bashkimin Europian dhe iniciativat ligjore që reduktojnë plastikën njëpërdorimshe, siç ishte rasti i ndalimit të qeseve plastike njëpërdorimshe dhe së shpejti miratimi i ligjit për përgjegjësinë e zgjeruar të prodhuesit.
Konferenca “Oqeani ynë” ka mbledhur bashkë ministra dhe politikanë të nivelit të lartë nga e gjithë bota, ndërsa i ftuari i nderit ishte ish-sekretari amerikan i Shtetit John Kerry që përshëndeti eventin duke folur mbi planet e përbashkëta për menaxhimin efektiv dhe zonat e mbrojtura ujore.
Edicioni i nëntë i kësaj konference që po zhvillohet në Athinë ka për qëllim evidentimin e rolit kryesor që ka Mesdheu në formësimin e dialogut për ruajtjen e oqeanit. Me pjesëmarrjen e shteteve dhe aktorëve joqeveritare, kjo ngjarje synon ndërmarrjen e angazhimeve konkrete për të mbrojtur shëndetin dhe sigurinë e oqeanit, që derivojnë nga fushat problematike të diskutuara gjatë konferencës.
Na ndiqni:
Postimet e fundit
Baza e Limionit/ SPAK merr në pyetje ish-zyrtarë, ushtarakë dhe biznesmenë
18/04/2420:22
Ultimatumi i Mirela Kumbaros: Tolerancë zero për struktura betoni në plazhe
18/04/2420:22
Kumbaro në Athinë: ja projektet e Shqipërisë për përmirësimin e cilësisë së ujërave – VIDEO
18/04/2420:22
NJOFTIM PUNËSIMI NË HOTEL IL CONTE DI MONTE CRISTO NË SARANDË
18/04/2420:22
Policia Bashkiake Sarandë ngre alarmin: Po na zaptojnë hapësirat publike me rulot
18/04/2420:22
Ekipi i basketbollit të shkollës “Adem Sheme” Sarandë shkon në finalen e madhe ndaj Shkodrës
18/04/2420:22
Manjola Nikollo: Ina Zhupa më ka bërë intriga dinake
18/04/2420:22
Furtunë në PD Sarandë, Manjola Nikollo rrebelohet ndaj “procesit të intriguar”
18/04/2420:22
Njoftim punësimi në hotel për Punonjëse Pastrimi, Kuzhinë për mëngjeset dhe Kamariere
18/04/2420:22
“Aquamarine Apartments” në Shëtitoren e Sarandës, kërkon Punonjëse Pastrimi
18/04/2420:22
Rezervime
Dhomë treshe me pamje nga deti – Vila Park Bujari Ksamil
18/04/2420:22
Vila Alvin, Apartament 1+1
18/04/2420:22
Apartament 1+1 – City Glow
18/04/2420:22
Apartament me dy dhoma – City Glow
18/04/2420:22
Dhoma teke në Hotel Mesopotami
18/04/2420:22
Suvenire
PUNIME ARTIZANE ME MOTIVE NGA BUTRINTI, PJETER PERKEQI 5
18/04/2420:22
PUNIME ARTIZANE BUTRINT PJETER PERKEQI 29
18/04/2420:22
PUNIME ARTIZANE BUTRINT PJETER PERKEQI 33
18/04/2420:22
Suvenire nga Saranda
18/04/2420:22
PUNIME ARTIZANE ME MOTIVE NGA BUTRINTI, PJETER PERKEQI 13
18/04/2420:22