Ngjarja ka ndodhur në aksin rrugor Himarë – Llogara, në fshatin Palasë, ku është plagosur me armë zjarri një shtetas.
Sipas policisë, në fshatin Palasë shtetasi B.G., 70 vjeç, (shofer taxie), është qëlluar me armë zjarri dhe ka mbetur i plagosur në krahë prej dy shtetasve të tjerë të cilët ishin pasagjer.
Shtetasi B.G., është transportuar në Spital për të marrë mjekimin e nevojshëm, aktualisht jashtë rrezikut për jetën.
Policia ka ngritur pika të shumta kontrolli me qëllim kapjen e autorëve.
Grupi hetimor po punon për zbardhjen e plotë të rrethanave të ngjarjes.
