Në kohën kur miq dhe adhurues të Sarandës janë në pritje të Festës së bërë tani traditë për Sarandën, Festës së Midhjes, e cila organizohet së bashku me ceremoninë e çeljes së sezonit turistik, nga ana e bashkisë Sarandë nuk ka asnjë informacion se kur do të organizohen këto evente. Madje ka zëra që thonë se Festa e Midhjes nuk do të zhvillohet këtë vit dhe se nuk do të ketë ceremoni për çeljen e sezonit turistik. Edhe pse Agjensia Kombëtare E Turizmit kishte premtuar marrje masash për çeljen më herët të sezonit turistik, të paktën në Sarandë këto masa nuk kanë mbërritur akoma. Rrugët e Sarandës, për shkak të punimeve për shtrimin e tubacionit të ri të ujësjellësit , janë në një gjendje që shkaktojnë pluhur mbytës dhe ndotje, megjithëse ato lagen vazhdimisht.
.
