Greku mbahet peng nëpër male në kufirin shqiptaro-grek

Greku mbahet peng nëpër male në kufirin shqiptaro-grek.
Kur kanë kaluar 10 ditë nga zhdukja e mistershme e nje 35-vjeçari nga Sidheri i Thesprotisë, hetimet dhe kërkimet janë përqëndruar në malet në kufirin shqiptaro-grek.
Burime të Saranda Web bëjnë të ditur se policia greke ka kërkuar ndihmën e policisë shqiptare për gjetjen e 35-vjeçarit grek Elias Drikos, pasi mendohet se ai është marrë peng nga trafikantë shqiptarë si pasojë e kapjes së një ngarkese droge pak javë më parë në fshatin Sideri.
Sipas informacioneve, trafikantët shqiptarë dyshojnë se babai i 35-vjeçarit të ketë informuar policinë greke dhe për këtë janë hakmarrë duke rrëmbyer 35-vjecarin në momentet kur ai ndodhej në stanin e bagëtive.