Goditja e arbitrit, Komisioni i Disiplinës ndëshkon ashpër ekipin e Delvinës

Komisioni i Disiplinës në Federatën Shqiptare të Futbollit ka ndëshkuar ashpër ekipin e Delvinës pas goditjes së arbitrit anësor gjatë takimit Delvina – Albpetrol.
Përvec humbjes në tavolinë të takimit 0-3, ekipi i Delvinës është dënuar me zhvillimin e ndeshjeve të mbetura të sezonit 2020-2021 në fushë asnjanëse.

VENDIMI:
KF Delvina, për dështim në përmbushjen e përgjegjësive dhe mosgarantim të sigurisë së zyrtarëve të ndeshjes, në bazë të neneve 24, 30, 50, 63/1/c dhe 64/3/b të KDS, humbet ndeshjen në tavolinë me rezultatin 3-0 kundër SHS Albpetrol, zhvillimin e ndeshjeve të mbetura të sezonit 2020-2021 të Kampionatit të Kategorisë së Dytë Grupi B, në fushë asnjanëse.