Goditi me th!kë pas sherrit ish-burrin e motrës, arrestohet nga Policia

Një konflikt familjar ka degjeneruar në dhunë fizike në lagjen nr. 4 të Sarandës, ku një 26-vjeçar ka goditur me mjet prerës ish-kunatin e tij, duke i shkaktuar plagë trupore.

Sipas njoftimit zyrtar të Policisë, specialistët për Hetimin e Krimeve në Komisariatin e Policisë Sarandë arrestuan në flagrancë shtetasin E. N., 26 vjeç, banues në Sarandë. Ngjarja ka ndodhur më datë 16.07.2025, rreth orës 16:10.

I riu është konfliktuar me ish-burrin e motrës së tij, shtetasin K. B., 44 vjeç, banues në Delvinë, të cilin e ka goditur me një mjet prerës, duke i shkaktuar dëmtime trupore.

I plagosuri ka marrë ndihmë mjekësore dhe ndodhet jashtë rrezikut për jetën, ndërsa materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Sarandë për veprime të mëtejshme procedurale.

Website Saranda Web

Facebook Saranda Web

Instagram saranda.web

Youtube sarandaweb

Tiktok saranda.web

Pinterest sarandaweb

in sarandaweb