Athinë – Gjykata liron 32-vjeçarin nga Saranda, Kostandin Nesturi: Arma dhe sendet e sekuestruara nuk ishin të tijat
Gjykata e Athinës ka vendosur sot lirimin e Kostandin Nesturit, 32-vjeçar nga Saranda, pas hetimeve të thelluara që provuan se armët dhe municionet e gjetura gjatë një operacioni policor nuk i përkisnin atij. Vendimi vjen vetëm dy ditë pas arrestimit të Nesturit, i cili u ndalua në banesën e tij në zonën e Thrakomakedones, ku jetonte së bashku me një shtetas grek, Aleksandros Banin, 29 vjeç.
Në deklaratën zyrtare të policisë greke të shpërndarë një ditë më parë, thuhej se gjatë kontrollit në banesë ishin sekuestruar një armë zjarri automatike me 9 fishekë, një jelek antiplumb, targa dhe karta identiteti false, vula zyrtare e biznesi, sasi droge dhe pajisje elektronike.
Megjithatë, gjatë seancës së sotme gjyqësore u provua se këto sende nuk i përkisnin Nesturit, duke çuar në lirimin e menjëhershëm të tij. Gjykata vlerësoi mungesën e provave të drejtpërdrejta dhe faktin se të gjitha akuzat qëndronin mbi baza të pasakta.
Kostandin Nesturi tashmë është i lirë dhe i është rikthyer jetës së tij normale, ndërsa hetimet ndaj 29-vjeçarit grek pritet të vijojnë.
Website Saranda Web
Facebook Saranda Web
Instagram saranda.web
Youtube sarandaweb
Tiktok saranda.web
Pinterest sarandaweb
in sarandaweb
