Ergest Dule refuzoi të shkarkojë drejtorët – Rama: “Atëherë jepe ti dorëheqjen!”

14/07/2522:34

Shperndaje:

Kryetari i Bashkisë Konispol refuzon të shkarkojë drejtorët – Rama: “Atëherë jepe ti dorëheqjen!”

Një debat i fortë është regjistruar mes Kryeministrit Edi Rama dhe Kryetarit të Bashkisë Konispol, Ergest Dule, gjatë një takimi të zhvilluar me kryetarët e bashkive dhe drejtuesit vendorë.

Ergest Dule refuzoi të shkarkojë drejtorët – Rama: "Atëherë jepe ti dorëheqjen!"

Burime të besueshme nga takimi bëjnë me dije për Saranda Web se Kryeministri Rama ka përsëritur kërkesën e tij për dorëheqjen kolektive të drejtorëve të institucioneve vartëse, si pjesë e një “spastrimi” të administratës nga paaftësia dhe nepotizmi.

Por në një moment të papritur, Ergest Dule ka kundërshtuar, duke deklaruar:

“Unë nuk i largoj drejtorët. I kam të rinj, të aftë dhe po bëjnë shumë punë të mirë.”

Reagimi i Kryeministrit ka qenë i menjëhershëm dhe i ashpër:

“Nëse nuk i shkarkon, atëherë jepe ti dorëheqjen!”

Në sallë ra heshtja, duke treguar nënshtrimin total të kryetarëve të bashkive ndaj kryeministrit Rama.

Përplasja tregon se ende ka kryetarë të njësive vendosre që nuk pranojnë të zbatojnë urdhrat në mënyrë mekanike, duke kërkuar të ruajnë autonominë e tyre vendimmarrëse.

Nuk ka ende një reagim zyrtar nga z. Dule pas deklaratës së Ramës.

Saranda Web do të vijojë të ndjekë nga afër zhvillimet dhe të informojë publikun me detaje të reja.