Banorët në Bajkaj me sytë nga qielli, luten të ketë shumë shi
Situata e fshatit Bajkaj në Delvinë, e pasqyruar në lajmin e publikuar pesë ditë më parë, vijon pa asnjë zgjidhje konkrete. Prej më shumë se 4 javësh, banorët e këtij fshati luftojnë për të siguruar ujë të pijshëm, ndërsa burimi kryesor ka nxjerrë vetëm sasi të vogla pas reshjeve të fundit. Shiu i rënë para tre ditësh ka sjellë një rreze të vogël shprese, por situata mbetet e rënduar.
Banorët mbeten të varur nga moti, duke shpresuar që reshjet të vazhdojnë, ndërsa institucionet përgjegjëse vijojnë të mos ndërmarrin hapa konkretë për të zgjidhur këtë problem. Kryetari i fshatit dhe banorët kanë ngritur vazhdimisht zërin, por përgjigjet burokratike të Ndërmarrjes së Ujësjellës-Kanalizime Sarandë kanë qenë të pamjaftueshme.
Kjo situatë është një thirrje e qartë për ndërhyrje urgjente. Banorët e Bajkajt, të cilët prej vitesh kanë paguar për shërbime që nuk i kanë marrë, meritojnë veprim, jo premtime boshe.
Sytë e banorëve janë drejtuar nga qielli, por përgjegjësitë e institucioneve nuk mund të varen nga reshjet.
Website Saranda Web
Facebook Saranda Web
Instagram saranda.web
Youtube sarandaweb
Tiktok saranda.web
Pinterest sarandaweb
in sarandaweb
