Banorët e fshatit Manastir mbi plazhin Pasqyra protestë: Shtëpitë do t’i mbrojmë me jetën tonë

Banorët e fshatit Manastir mbi plazhin Pasqyra protestë në dyert e ASHK Sarandë: Shtëpitë do t’i mbrojmë me jetën tonë

Banorët e fshatit Manastir, mbi plazhin e njohur Pasqyra në Sarandë kanë dalë sot në protestë kundër vendimit për prishjen e shtëpive të tyre, të cilat rrezikojnë të shemben për t’i hapur rrugë një investimi strategjik. Sipas banorëve, ky vendim prek më shumë se 150 familje që jetojnë në këtë zonë prej rreth 30 vitesh.

 

 

Vendimi i miratuar nga KKRRT (Këshilli Kombëtar i Rregullimit të Territorit) i hap rrugë ndërtimit të projektit “Ksamil Seaside Resort & Residential, The Mirrors, Faza I”, një zhvillim i shoqërisë “Premium Finance Invest” sh.p.k., i cili synon të transformojë zonën në një kompleks turistik luksoz.

 

Banorët pretendojnë se nuk janë konsultuar dhe e shohin këtë vendim si një kërcënim të drejtpërdrejtë ndaj jetesës së tyre. Ata kërkojnë transparencë dhe drejtësi, duke theksuar se kanë ndërtuar shtëpitë me kursimet e një jete dhe se shumë prej tyre nuk kanë alternativa të tjera strehimi.

 

“Shteti nuk mund të na nxjerrë në rrugë pas 30 vitesh. Kemi investuar gjithçka për të ndërtuar një jetë këtu. Shtëpinë e kam ndërtuar me djersë dhe do ta mbroj me gjak”, tha një nga protestuesit.

 

Situata mbetet e tensionuar, ndërsa banorët shprehen të vendosur për të mos lejuar prishjen e shtëpive të tyre. Ata kërkojnë ndërhyrjen e institucioneve për zgjidhjen e çështjes. Saranda Web

NDAJE ME MIQTË

NA NDIQNI:

POSTIMET E FUNDIT

Klubi i motoristëve SteelWings Albania krijon degën në Sarandë
Lexoni më shumë
Plagoset me armë zjarri në Athinë 38-vjeçari nga Saranda
Lexoni më shumë
Butrinti dhe Delvina luajnë nesër në transfertë, dy sfida me objektiva të ndryshëm
Lexoni më shumë
Qeveria ndryshon hartat e zonave arkeologjike “A” dhe “B” në qytetin e Sarandës
Lexoni më shumë
U mbanin pasaportat për të shlyer borxhet me punë, zbulohet rrjeti i kalimit të emigrantëve
Lexoni më shumë
Inxhinieri kërkon ndalimin e bombolave të gazit: Kanë efektin e tritolit, të hiqen nga përdorimi
Lexoni më shumë

©SARANDAWEB - 2026 • Ndalohet riprodhimi i paautorizuar i përmbajtjes së kësaj faqeje.