Arrestohen 2 shqiptarë në Igumenicë me 21,7 kg kanabis

Dy shqiptarë janë arrestuar pasditen e sotme në afërsi të Igumenicës.
Dy të rinjtë të moshës 18 dhe 29 vjeç janë arrestuar teksa po transportonin 21.7 kg kanabis në një autobus të një zone rurale.
Sipas raportimit të thespro.gr droga është zbuluar pas një kontrolli të beftë që ka bërë policia greke në autobus.
Dy të rinjtë ishin futur në Greqi nëpërmjet kufirit dhe akoma nuk dihet se deri ku ishte destinacioni i tyre për transportin e drogës.
Policia greke ka sekuestruar edhe 2 telefona celularë, nga ku pritet të mësohet se cilët ishin pritësit e mallit.