Një aksident i ndodhur në fshatin Strovili 23 km nga Igumenica, i ka marrë jetën në mënyrë tragjike ish-drejtorit dhe mësuesit të shkollës “Hasan Tahsini” Apostol Nika. Makina e drejtuar nga Apostol Nika ka përfundur në mënyrë ende të papërcaktuar në një greminë rreth 100 metër. Sipas informacioneve të para, për nxjerrjen e trupit nga gremina kanë marrë pjesë 8 efektivë dhe 3 mjete të zjarrfikseve greke. Apostol Nika udhëtonte drejt Igumenicës, ku do të merrte pjesë në një gëzim familjar. 
