17-vjeçari vodhi automjetin në Mursi, kapet duke bërë xhiro në Gjirokastër

22/11/2315:56

Shperndaje:

Pas marrjes së njoftimit se në fshatin Mursi, Konispol, ishte vjedhur një automjet, shërbimet e Komisariatit të Policisë Sarandë kanë organizuar menjëherë punën për lokalizimin dhe kapjen e autorit të vjedhjes. Bazuar në informacionet e siguruara nga inteligjenca policore, se autori ishte larguar me automjetin e vjedhur në drejtim të Gjirokastrës, kanë shkëmbyer informacionet me shërbimet e Komisariatit të Policisë Gjirokastër.

Si rezultat i bashkëpunimit mes shërbimeve të Policisë të dy komisariateve, është kapur në flagrancë në Gjirokastër, duke drejtuar pa leje drejtimi, automjetin që kishte vjedhur në fshatin Mursi, shtetasi E. B., 17 vjeç, banues në Librazhd, me precedent të mëparshëm kriminal në fushën e vjedhjeve.

Nga verifikimet e kryera ka rezultuar se ky shtetas ishte shpallur në kërkim nga Policia e Elbasanit, si bashkëpunëtor në një vjedhje të kryer në një banesë në Elbasan, më datë 15.11.2023.

Vijon puna për zbardhjen e vjedhjeve të tjera që mund të jenë kryer nga ky shtetas.

Materialet procedurale i kaluan Prokurorisë, për veprime të mëtejshme, për veprat penale “Vjedhja” dhe “Drejtimi i automjetit në mënyrë të parregullt”.


Ndajeni me miqte:

Postimet e fundit

Villa OSCAR në Ksamil kërkon Sanitare hoteli. Ofrohet akomodim
La Mar Restaurant në shëtitore kërkon Ndihmës Kamarier/e dhe Sanitare
Restorant ‘MAREA’ kërkon Zgarist, Ndihmës Kuzhinier/e dhe Punonjëse Pastrimi
“Mr. Crabs” kërkon Nd. Kuzhinier, Kamarier dhe Nd. Kamarier Ofrohet akomodim
Parku fotovoltaik rikthehet në rend dite – Banorët kundërshtojnë ndërtimin në tokën që e pretendojnë pronë
Gjykata rrëzon kërkesën e ish-deputetit, “toka e prodhuar” nga mbushja e detit do të bëhet kënd lojrash

Saranda Web Apartments and Hotels

©SARANDAWEB - 2024 • Ndalohet riprodhimi i paautorizuar i përmbajtjes së kësaj faqeje.