Home Lajme Aktualitet Dorëzohet i arratisuri me pranga në duar, por prangat humbasin

Dorëzohet i arratisuri me pranga në duar, por prangat humbasin

SHARE

SARANDE – Ermir Idrizllari, i cili u arratis me pranga në duar nga furgoni i policisë një ditë më parë në Sarandë, është dorëzuar sot.
Ai u ndalua nga policia pasi iu gjetën në banesë rreth 22 kg lëndë narkotike e llojit kanabis, ndërsa një shtetasi i kishte marrë me dhunë një shumë parash prej 30 mijë lekë të reja. I riu i është drejtuar policisë së Sarandës këtë të martë në shoqërinë e avokatit mbrojtës, Gjergj Imeraj. Ermir Idrizllari ka thënë përpara policisë se gjatë 24 orëve të arratisë është fshehur në malin e Milesë.
Arratisja e të riut nga automjeti i policisë bëri jo pak bujë ditën e diel. Teksa efektivët që ishin në operacion po kryenin kontrolle në disa banesa, disa të njohur të Ermir Idrizllarit i janë afruar fugonit të policisë kanë sulmuar dy policët që po ruanin të arrestuarin dhe e kanë marrë atë me pranga në duar duke u larguar.
Për rastin në fjalë kanë nisur hetimet nga Shërbimi i Kontrollit të Brendshëm në Policinë e Shtetit pasi ka rezultuar se me veprimet dhe mosveprimet e tyre efektivët kanë ndikuar në arratisjen me pranga të 26 vjeçarit.

loading...
loading...