Ethet elektorale për zgjedhjet parlamentare të qershorit kanë filluar edhe në qytetin e Sarandës.
Deri më tani janë përfolur shumë emra se cili do të jetë deputeti i rrethit të Sarandës në zgjedhjet parlamentare të qershoirt të ardhshëm.
Nga burime të verifikueshme mësohet se në Sarandë është përfolur si kandidaturë e mundshme emri i Gjergj Mërkurit.
Gjergj Mërkuri aktualisht mban postin e Drejtorit të Inspektoriatit Shtetëror të Mjedisit dhe Pyjeve.
Ai ka qenë edhe kryetar i Partisë Socialiste të Rrethit Sarandë.
Duket se është vetë baza e partisë socialiste apo qytetarë të ndryshëm që kërkojnë të përfaqësohen me qytetarë të cilët janë nga Saranda, duke u lodhur kështu me deputetë të importuar nga qytete të tjera.
Mësohet se gjithcka është në fazat e para dhe deri më tani janë vetëm pëlqime e mendime.
