Kryetari i bashkisë Finiq Kristo Kiço ka zhvilluar një takim me banorët e fshatit Krane, ku gjatë javës së kaluar ndodhën 4 raste vjedhjesh së shtëpive.
Kristo Kiço duke theksuar seriozitetin dhe përmasat që kanë marrë vjedhjet në fshatrat e bashkisë Finiq, u përqëndrua në përpjekjet e bashkisë jo vetëm për të bërë të njohur situatën por edhe për marrjen e masave imediate për parandalimin e këtyre ngjarjeve.
Kristo Kiço deklaroi tek banorët se komunikoi me Ministrin Lleshaj dhe në ditët në vijim do të organizohet një takim në Livadhja me vetë Ministrin Lleshaj, me Drejtorin e Përgjithshëm të Policisë së Shtetit, me Prefektin dhe deputetët e zonës ku do të trajtohen shqetësimet dhe do të propozohen masa për zgjidhjen e problemit të rendit.
