Vjedhje spektakolare te Vodafone në Sarandë, por …

Një vjedhje spektakolare ka arritur të realizojë një 38-vjecar në Sarandë, por në momentin që dilte nga dyqani ku kishte vjedhur është arrestuar nga policia.
Sarandë

Policia njofton se ka arrestuar një person të maskuar i cili u kap në flagrancë duke vjedhur një Dyqan-Vodafone, në një lagje të qytetit të Sarandës.

Arrestohet në flagrancë shtetasi:
G K, 38 vjeç, banues në Sarandë.

Shërbimet e Policisë së Sarandës kanë bërë të mundur kapjen në flagrancë dhe arrestimin e këtij shtetasi, duke vjedhur disa aparate tekonologjike në një dyqan vodafoni, me vendndodhje në lagjen nr.3 të Sarandës (pranë Spitalit).

Shtetasi G K, në orët e para të mëngjesit të sotëm, i maskuar me kapuç të zi në kokë dhe në vend të dorezave në të dyja duart ka përdorur “çorape” të bardha, ka thyer me mjete të forta (gurë) xhamin e një dyqani të kompanisë “Vodafone” në lagjen nr.3 të Sarandës dhe ka vjedhur 2 aparate “Tableta-iPad” me vlerë totale 40.000 lekë (2×20.000) dhe në tentativë për të marrë edhe aparate të tjera celulare, nuk ka mundur t’i marrë pasi ka dalë me shpejtësi nga dyqani.

Në momentin që ka marrë këto 2 tableta, sapo ka dalë nga dyqani në tentativë për t’u larguar është kapur dhe arrestuar në flagrancë nga Shërbimet e Policisë së Sarandës për veprat penale “Vjedhje” dhe “Shkatërrim prone”.