Vjedhin shtëpinë dhe i vënë flakën për të fshirë gjurmët

Një ngjarje e rëndë ka ndodhur në fshatin Vagalat të Finiqit, ku grabitësit kanë grabitur një banesë dykatëshe e më pas i kanë vënë flakën.

Sipas informacioneve të para, mësohet se ngjarja ka ndodhur gjatë natës së djeshme ndërsa banesa e grabitur dhe e djegur, është në pronësi të Stefan Cakës.
Pavarësisht se banorët njoftuan zjarrfikset e Bashkisë Finiq, ata kanë mbërritur vetëm kur shtëpia ishte djegur plotësisht.

Banorët thonë se janë grabitur rreth 3 milionë lekë të vjetra, ndërsa policia ka nisur hetimet për zbardhjen e plotë të ngjarjes.