Ka vijuar për të katërtën ditë me radhë aksioni i prishjeve të lokaleve nga IKMT në plazhin Shpella në Lukovë.
Sipas pronarëve të lokaleve, atyre nuk u është dhënë asnjë vendim prishjeje dhe nuk u është lënë kohë e mjaftueshme për heqjen e materieleve nga lokalet.
IKMT mbështetet në këtë aksion nga dhjetra forca policore, ndërsa kalimi i mjeteve për te plazhi është ndaluar nga Policia.
Banorët kanë kërkuar mbështetjen e bashkisë Himarë, pasi sipas tyre, ata lokalet i kanë me leje, por deri tani nuk kanë arritur të kontaktojnë me kryetarin ende në detyrë Jorgo Goro.
