Vidhen 3 dyqane në fshatin grek në kufi me Konispolin, policia shqiptare në këmbë

Një seri vjedhjesh u regjistruan mëngjesin e së hënës në fshatin Asproklisi të Thesprotisë, pranë kufirit me Shqipërinë.
Dy autorë të panjohur kanë vjedhur me  thyerje dy kafene, si dhe një furrë në qendër të fshatit.
Lëvizjet e tyre janë regjistruar nga një kamera sigurie pamjet e së cilave po analizohen nga policia greke.
Mësohet se autorët kanë arritur të marrin një shumë prej  rreth 400 € nga tre dyqanet ku ndodhi vjedhja.
Një hetim për identifikimin e autorëve kryhet nga Departamenti i Sigurisë të Policisë së Thesprotisë, e cila ka njoftuar edhe kolegët shqiptarë pasi dyshohet se autorët ishin shqiptarë dhe eventualisht pas vjedhjes janë larguar drejt kufirit shqiptar.