Një zjarr ka përfshirë një stan në fshatin Vrion në orën 06:15.
Si pasojë e flakëve janë djegur 225 dele dhe 125 qingja si dhe një sasi e konsiderueshme produktesh ushqimore.
Pronari i stallës, Ruzhdi Alllkushi shprehet për Report Tv se zjarri ishte aksidental dhe se nuk ka pasur konflikte me asnjë person.
Dëmi kap vlerën e 200 mln lekëve të vjetra pasi bagëtitë janë racë Lakon.
Kryetari i Bashkisë së Finiqit, Kristo Kiço shprehet se dëmi në stanin i cili u dogj është i madh, por tashmë situata është nën kontroll.
Ai thotë se qeveria lokale dhe ajo vendore do të bëjë gjithçka që është e mundur për të ndihmuar në rimëkëmbjen e biznesit.
VIDEO
