Menaxhimi i mbetjeve/ Klosi dhe Zingraf në Finiq për të dhuruar 100 kontenierë dhe automjet


Projekti gjerman, financuar nga GIZ mbi menaxhimin e mbetjeve, i cili po aplikohet në 5 qytete këtë herë u ndal në bashkinë e Finiqit, ku dhuroi mbi 100 kontenierë, që do të vendosen në gjithë bashkinë, deri në Butrint.
Në ceremoninë e organizuar ishin të pranishëm Ambasadori Gjerman, Peter Zingraf, ministri i Turizmit dhe Mjedisit Blendi Klosi, Prefekti Flamur Mamaj, drejtues të pushtetit vendor, qytetarë, etj.

Ambasadori gjerman Zingraf tha se “këtu bashkohen tre gjëra është rajonalja, nacionalja dhe pastaj globalia. 2 minuta jam këtu dhe sapo më ra në dorë një plastikë që do ndoshta 400 vjet që të asgjësohet. Kjo infrastrukturë që po merrni ju sot në dorëzim është e mrekullueshme, por ky është hapi i parë, ky është vetëm fillimi, kjo nuk mund të bëhet, po nuk bashkëpunuan të gjithë së bashku”.

“Të gjitha këto lidhen me faktin që Shqipëria po shkon drejt Bashkimit Europian. Gjithë këto projekte që po zhvillohen nga partnerët e huaj në Shqipëri kanë një synim, që e gjithë rregullat, ligjet, apo çdo detyrim që ne marrim përsipër është që të arrihet ai qëllimi që të ofrohet me Bashkimin Europian ose me ligjet dhe rregullat e BE-së”, – theksoi Zingraf.

Ministri Klosi u shpreh se “kjo nismë ofron një Butrint të Patër, një natyrë të menaxhuar ashtu si duhet, por dhe një situatë që në radhë të parë ka dashurinë për natyrën”.

Klosi u shpreh se “ju falënderoj shumë dhe për gjithçka që qeveria gjermane ka bërë gjithë këto vite për të filluar një debat për trajtimin e mbetjeve, mbrojtjen e mjedisit dhe kalimin e kësaj mbrojtjeje shumë më të kulturuar dhe me parime europiane”.

“Ndajmë së bashku një nga detyrat që kemi ndërmarrë në këtë sezon të vështirë. Ky sezon i vështirë turistik ka kryefjalën e tij luftën kundër pandemisë dhe mos përhapjes të mëtejshme të saj, por dhe krijimit të kushteve për të patur një sezon turistik me rregulla dhe natyrisht një sezon turistik që do të jetë shumë i vështirë dhe me shumë gjëra që duhen bërë”, – tha Klosi.

Por, vijoi ai,  e para për të cilat ne nuk duhet të heqim dorë, do të duhet të jetë padyshim pastërtia.

“Edhe ajo që është një shqetësimet e madha gjithmonë, që ka turistë të shtuar në Sarandë dhe në të gjithë zonën në rrugën që shkon për Butrint, është trajtimi i mbetjeve të qytetit”, – tha Klosi./ atsh

NDAJE ME MIQTË

NA NDIQNI:

POSTIMET E FUNDIT

Bileta në Butrint rritet në 1,200 Lekë. AADF: Do të bëjmë investime dhe kërkime shkencore
Lexoni më shumë
Kroçera luksoze EXPLORA II mbërrin për herë të parë në Sarandë me 729 turistë
Lexoni më shumë
Aksident i rëndë: automjeti përplaset me shtyllën e ndriçimit, shoferi transportohet në spital
Lexoni më shumë
3 ditë para Festës së Mandarinës, kryebashkiaku thërret fermerët për të diskutuar problemet e shitjes
Lexoni më shumë
Reshjet e shiut rikthehen në Sarandë, ja si parashikohet moti sot dhe nesër
Lexoni më shumë
“Çdo pasuri ka historinë e saj”, Odise Kote promovon në Sarandë romanin “Shpërfytyrimi”
Lexoni më shumë