Dalja nga shtrati e lumit Kalasa, këto 4-5 vitet e fundit është bërë problematike, duke shkaktuar përmbytjen e tokave e të bisneseve në gjithë gjatësinë e tij prej fshatit Kalasë e deri në Çukë , ku bashkohet me lumin Bistrica. Kështu ndodh që, në ditët me reshje të pandërprera ,të përmbyten me dhjetra hektar tokë bujqësore e bisnese të fshatrave Vanë, Shelegar, Gjashtë, Metoq e Çukë. Por gjendja është më alarmante në teritorin e ish- Pularisë, pranë bisnesit Dauti SHPK. Lumi ka devijuar nga shtrati I tij rreth 50 metra duke arritur të rrëzoje argjinturën mbrojtëse në një gjatësi prej 30 metra. Nëse nuk bëhet ndërhyrje përfundimtare, këtë dimër lumi do të vijoj daljen në shtratin e tij të vjetër , të para viteve 60 të shekullit të kaluar. Për rrjedhoje, do të përmbyten të gjithë bisneset aty prane dhe gjithe tokat e Karahaxhit, Finiqit, deri në Vrion, tek rruga nacionale. Realiteti që po percjellim, nuk është I panjohur për strukturat përgjegjëse si Bordi I Kullimit dhe pushteti vendor. Në situata emergjente ata mblidhen këtu duke propozuar zgjidhje të çastit por asnjëherë përfundimtare. Sot zgjidhjet janë me kosto më të ulet, ndërsa nesër kostot do të jenë shumë të larta në mos të pamundura. Agjencia AJMMI pretendon të sensibilizoj opinionin publik por edhe të zgjoj ndjenjën e detyrës të atyre që paguhen edhe me taksat e banorëve të kësaj zone. Por ajo që ende të bën përshtypje ëhtë fakti që vetëm “T E R B I M I’ I L U M I T K A L A S A e zgjon nga gjumi burokracinë e shtetit. Nderkohë që inertet e shumta të prodhuara në Sarandë hidhen ende në volloder kur fare mirë mund të depozitoheshin në shtratin e agravuar të lumit Kalasa. Sepse kërcinimi vazhdon me gërryerje që sot po kanos të gjithë fushën përgjatë lumit Kalasë.
