Vdiq në burgun grek, varroset sot në Sarandë

Do të prehet në atdhe trupi i shqiptarit që u gjet i vdekur në burgun e sigurisë së lartë në Koridhalo të Greqisë. 33-vjeçari Bardhyl Tusha, i dënuar për trafik të lëndëve narkotike do të varresot sot në fshatin Shelegar të Sarandës.
Ndonëse ai iu nështrua ekspertizës mjeko-ligjore, shkaqet e sakta të vdekjes nuk janë bërë ende publike. Madje as vetë familjarët nuk kanë dashur të komentojnë ngjarjen.
Më herët mjekët e burgut grek, deklaruan se në trupin e shqiptarit nuk janë vërejtur shenja dhune dhe se dyshohet se vdekja mund t’i ketë ardhur nga abuzimi me drogën.
Tusha është personi i tretë që humbi jetën javën e fundit në këtë burg, ndërsa shënon shqiptarin e katërt që humb jetën në burgjet e Greqisë në pak kohë.