Nisur nga zjarret e rëna dhe pasojat tragjike të tyre Shërbimi i Mbrojtjes nga Zjarri dhe Shpëtimit Sarandë ka përgatitur një udhëzues, të cilin e sjellim pët t`u lexuar nga të gjithë banorët si dhe subjektet private e shtetërore se çfarë masash duhet marrë për parandalimin e rënies së zjarreve:
Për përdoruesit e gazit për ngrohje dhe gatim.
● bombola e gazit duhet të kenë në sipërfaqen e tyre vitin e prodhimit, datën e kontrollit teknik, kualidimin, udhëzuesin për përdorim, markën dhe ngjyrën e kompanisë, peshën neto dhe bruto.
● bombolat të cilat nuk kanë të dhënat e mësipëme duhet të hiqen urgjentsisht nga përdorimi.
● bombolat e gazit 5 kg nuk janë për përdorim familjar, përdoren vetëm në ambjente të hapura.
● vendosja e bombolës së gazit dhe instalimi i saj me pajisjen(sobën, ngrohësin, etj) bëhet nga persona të licensuar të cilë lëshojnë vërtetim për instalimin e pajisjeve.
● bombola e gazit duhet të instalohet larg burimit të nxehtësisë, larg instalimeve elektrike mundësisht në vende të hapura.
● tubi që lidh bombolën me pajisjen duhet të ketë tregues për markën dhe afatin e përdorimit.
● bombola e gazit duhet të ketë të instaluar autobllokues për rrjedhjen e gazit.
● në ambjentin e bombolës së gazit dhe pajisjes duhet vendosur sinjalizues për rrjedhjen e gazit.
● bombolat e gazit mbushen vetëm pranë subjekteve të licensuara të cilat marrin përsipër mbushjen dhe instalimin e bombolës dhe mbajnë përgjegjësi ligjore duke lëshuar vërtetim për mbushjen dhe instalimin e bombolës në pajisje.
● bombola e gazit nuk duhet të mbushet më shumë se 80% të volumit të saj.
● ndalohet mbushja e bombolave pranë pikave të karburanteve pasi janë të licensuara vetëm për gaz për automjetet.
● në rast rrjedhje gazi ndalohet kategorikisht ndezja e dritave, telefonit apo pajisjeve elektrike, ndezja e cigares, qirinjve etj, pasi krijojnë shkëndij dhe gazi i përhapur merr flakë. Menjëherë blloko rrjedhjen e gazit, ajros banesën, nxirr personat nga banesa, njofto shërbimin zjarrfikës
● në rast se bombola ka marrë flakë mundohu të shuash flakën duke i hedhur sipër batanie, blloko daljen e gazit, nxirr bombolën në ambjente të hapura, njofto shërbimin zjarrfikës.
Për instalimet dhe pajisjet elektrike.
● pajisjet elektrike të instalohen dhe kontrollohen nga persona me licencë dhe të japin vërtetim për sigurinë e instalimeve.
● pajisjet për instalime si telat, prizat, çelësat, llambat, portollambat, siguresat, pajisjet elektroshtëpiake etj, duhet të shqërohen me çertifikatë për origjinën dhe cilësin e mallit.
● pajisjet elektroshtëpiake nuk duhet të jenë në të njëjtën kohë të gjitha në punë.
● në kohën që në banesë nuk ka njeri si dhe natën pajisjet si kondicioneri, lavatriçja, soba, dushi, pajisjet për ngrohje etj, nuk duhet të jenë në punë.
● kontrollo dhe pasto në çdo kohë aspiratorin si dhe pajisjet që paraqesin rrezik nga zjarri.
● instalo sinjalizues për rënien e zjarrit, vendos dritë të emergjencës për natën.
● në rast zjarri nga energjia elektrike ul menjëhere automatin e dritave, izolo dhe blloko vatrën e zjarrit duke përdorur batanie, fikse zjarri etj, nxirr jashtë pajisjen që ka marrë flake, njofto shërbimin zjarrfikës, nxirr personat nga banesa.
● për mbrojtjen nga zjarri është e domosdoshme që të keni disa pajisje kundër zjarrit si fikëse zjarri, batanie kundër zjarrit e mjete të tjera ndihmëse për shuarjen e zjarrit.
Për çdo rast njoftoni shërbimin zjarrfikës në telefon: 128, 085223333.
Për informacione të mëtejshme na kontaktoni në adresën elektronike [email protected] si dhe në numurat telefonit: 128, 08522 3333.
Shërbimi zjarrfikës Sarandë në çdo kohë është në dispozicionin Tuaj.
