U shua bilbili i Labërisë – Bujar Tabulla ndahet nga jeta në moshën 65-vjeçare

06/08/2523:52

Shperndaje:

U shua bilbili i Labërisë – Bujar Tabulla ndahet nga jeta në moshën 65-vjeçare

 

Një zë që mbante gjallë shpirtin e Labërisë u hesht përgjithmonë. Bujar Tabulla, një nga zërat më të dashur dhe të veçantë të këngës labe, u nda nga jeta në moshën 65-vjeçare, pas një sëmundjeje të rëndë që e mundoi në vitet e fundit.

 

U shua bilbili i Labërisë – Bujar Tabulla ndahet nga jeta në moshën 65-vjeçare

 

I lindur dhe rritur në Delvinë, Bujar Tabulla nisi të këndonte që fëmijë, duke u bërë edhe themeluesi i grupit të qytetit “Djemtë e Delvinës” ku spikati me zërin e tij të ngrohtë, të pastër dhe plot emocion. Breza të tërë e njohën si “bilbilin e Labërisë”, një nofkë që nuk iu dha kot, por e fitoi me shpirt e talent, me pasionin dhe përkushtimin që i dha këngës polifonike shqiptare.

 

Jeta e tij nuk ishte vetëm këngë. Me përulësi dhe dinjitet, Bujar Tabulla shërbeu për vite me radhë në ndërmarrjen e pyjeve, duke i qëndruar afër natyrës, me të njëjtën dashuri me të cilën i këndonte asaj. Ai ishte njeri i thjeshtë, punëtor, i dashur për komunitetin dhe mik i të gjithëve.

 

Humbja e tij lë një boshllëk të thellë në kulturën labe, në Delvinë dhe më gjerë. Por zëri i Bujar Tabullës do të jetojë në çdo këngë që ai këndoi, në çdo kujtim që lë pas, në çdo zemër që ai preku me artin dhe fisnikërinë e tij.

 

Ceremonia e përcjelljes për në banesën e fundit do të mbahet në Delvinë në orën 15:00

 

Ngushëllime familjes Tabulla, miqve dhe të gjithë atyre që e deshën.  Zëri i Bujarit nuk do të harrohet – ai do të vijojë të jetojë në çdo varg kënge që ai këndoi me shpirt.

 

 

Website Saranda Web

Facebook Saranda Web

Instagram saranda.web

Youtube sarandaweb

Tiktok saranda.web

Pinterest sarandaweb

in sarandaweb


Ndajeni me miqte:

Postimet e fundit

Punëtorët e huaj nuk janë shpëtim, biznesi të reflektojë: zgjidhja garantohet nga punonjësit vendas
Elvisa dhe Rezina Dhimaku humbën jetën në aksident. Apeli i familjes: Ndihmoni të shpëtojmë djalin
Dream Hotel Saranda kërkon të punësojë Recepsionist/e
Helia Hotel kërkon të punësojë Receptionist/e dhe Kamarier/e
Humbën jetën 2 motrat: Policia arreston 23-vjeçarin, kishte hyrë në parakalim, ishte i dehur
Aksident i rëndë në rrugën Sarandë – Delvinë, 2 motra humbin jetën

Saranda Web Apartments and Hotels

©SARANDAWEB - 2024 • Ndalohet riprodhimi i paautorizuar i përmbajtjes së kësaj faqeje.